On di Gesù Bambino
che el gheva xugà fora,
no' 'I se gà reso conto
che fusse passà l'ora.
E l'è ritornà a casa
de corsa col fià corto,
scusarse co' so' mama
che no' 'I se gheva incorto.
El gà vardà i cartoni
e po' l'è andato a nana,
no' senza 'na caressa
e on baso de so' mama.
Ma invesse de dormire,
parchè el gavea paura,
el gà tacà a tremare
pa' 'a note massa scura.
E so' papà nel cieo
ga' fato 'na magia,
el gà picà la luna
pa' farghe compagnia.